خليل عارف سومرو
خليل عارف سومرو
خليل عارف سومرو: نوجوان شاعر ۽ اديب خليل عارف سومرو سنڌ جي ناليواري شاعر خان مدهوش'>احمد خان مدهوش جو فرزند آهي. سندس پورو نالو خليل حسين آهي. سندس جنم 18 نومبر 1965ع تي ڪاڇي جي شهر جوهيءَ، ضلعي دادوءَ ۾ ٿيو. ابتدائي تعليم پرائمري مين اسڪول جوهيءَ مان ورتائين. انٽر گورنمينٽ استاد بخاري ڊگري ڪاليج دادوءَ مان، بي. اي ۽ ايم. اي (سنڌي) سنڌ يونيورسٽيءَ ڄامشوري مان ڪيائين. خليل عارف سومري لکڻ جي شروعات 1978ع کان ڪئي. سندس پهرين تخليق ٻاراڻي رسالي ’گل ڦل‘ جي جنوري 1980ع جي شماري ۾ شايع ٿي. هن 1986ع ۾ پنهنجي والد جي نالي سان ’خان مدهوش'>احمد خان مدهوش اڪيڊميءَ‘ جو بنياد وڌو. جنهن پليٽ فارم تان ڪيترا پروگرام ڪرايائين. کيس شاعر طور ۽ ادبي مڃتا ۾ ڪيترا اوارڊ ۽ سرٽيفڪيٽ ملي چڪا آهن، جن ۾: گاج ادب ۽ آرٽ ڪلب جوهيءَ پاران ’بهترين شاعر اوارڊ‘ (1986ع)، جنگ پبلشرز ڪراچيءَ پاران ’مصنف اوارڊ‘ (1992ع)، آندل شاهه بخاري آرٽ سرڪل جوهي پاران ’بهترين شاعر اوارڊ‘ (2001ع)، ٻاراڻي ڪتاب ’موتيون ۽ مکڙيون‘ تي سنڌي لئنگئيج اٿارٽيءَ پاران سال 2010ع جو بهترين ڪتاب اوارڊ (2011ع) ۽ 50 هزار رپيا روڪ وغيره اچي وڃن ٿا. سندس ٻارن جي شاعريءَ جا ٻه ڪتاب: (1) مهڪار (1984ع) ۽ (2) موتي ۽ مکڙيون (2010ع) ٻئي ڪتاب سنڌي ادبي بورڊ پاران شايع ٿيا. سندس پهرئين ڪتاب جا هن وقت تائين چار ڇاپا پڌرا ٿي چڪا آهن. پرائمري استاد آهي ۽ جوهي شهر ۾ رهائش پذير آهي.
لفظ خليل عارف سومروھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1965.11.18 عيسوي
خليل عارف سومري جو جنم 18 نومبر 1965ع تي ڪاڇي جي شهر جوهيءَ، ضلعي دادوءَ ۾ ٿيو.
شاعر - ڀاڱي جون ٻِيون داخلائون
آخوند لطف الله لطف قريشيرشيد احمد لاشاري
احسن الهاشمي
احمد شاڪر
سحر امداد حُسيني ڊاڪٽر
بهرو ڇاٻڙيا بيوطن
داتا فيض درياهه شاهه
عبدالغفور مفتون همايوني
ائنا اخمتووا
زمان شاهه ساقي